په پکتیکا او کاپیسا ولایتونو کې د وستا موسسې د سرپناوو اعمار پروژو د چارو د معطل کېدو په تړاو د وزارت مقام دفتر ریاست او اوچا دفتر مسوولینو تر منځ ناسته وشوه
د مهاجرینو وزارت د مقام د دفتر رئیس الحاج قاري اجمل ویاړ او د اوچا ادارې تر منځ نن چهارشنبه د لړم په ۹ مه په پکتیکا او کاپیسا ولایتونو کې د سرپناوو د هغو پروژو د درېدو په اړه ناسته وشوه، چې د وستا موسسې له لوري یې کارونه پر مخ وړل کېدل.
په دې ناسته کې قاري اجمل وویل، دا چې په هېواد کې ژمی په رارسېدو دی اړتیا ده، چې له ژمي وړاندې د یادو سرپناوو پاتې چارو د بشپړېدو کارونه پیل شي او په دې اړه د وزارت مقام ته ډاډ ورکړل شي.
بل لورته د اوچا ادارې د اړیکو مسوول شمس خلیلي ډاډ ورکړ، چې د دغو پروژو لپاره به په یوه میاشت کې بودیجه ځانګړې او پاتې چارې به یې پیل کړي.
د یادولو وړ ده، چې د دغې پروژې مالي لګښت د ملګرو ملتونو اوچا ادارې له لوري ورکول کیږي.
