د وزارت د داخلي لارو د کانګريټ پرانيسته وشوه
د وزارت د داخلي لارو د کانګريټولو کار د مهاجرينو چارو د وزير الحاج خليل الرحمن حقاني، مسلکي مرستيال مولوي عبدالرحمن راشد، يو شمېر مرکزي رئيسانو او د قرارداد کوونکي شرکت د استازو په شتون کې پيل شو.
د لاسليک شوي تړون له مخې د ۲ميليونه، ۴۰۷ زره ۷۰ افغانيو په لګښت د ۱۸۰ مترو په اوږد والي او ۶ مترو په پلنوالي د وزارت د داخلي لارو کانګريټ، چې شاوخوايې فلزي کټارې، د برېښنا مزي او د اړتيا وړ ګروپونو لګول دي، د اکمل احمدزي د انجينرۍ، ساختماني، خدماتي او لوژستيکي شرکت له لورې ترسره کېږي.
د ياد شرکت د رئيس سردارولي انتظار په خبره دغه پروژه به په ۴۵ ورځو کې بشپړه او ګټې اخيستنې ته وسپارل شي.
ددې پروژې په پلي کېدو سره به مامورينو او مراجعينو ته د تګ راتګ اسانتياوې برابرې شي.
