کوښښ کوو چې د لرې پرتو سيمو وړ او مستحقو کورنيو ته په پوره روڼتيا او چټکتيا سره مرستې ورسوو
نن د رمضان مياشتې ۲۳ مه د مهاجرينو او راستنېدونکو چارو وزیر الحاج خليل الرحمن حقاني لوګر ولايت ته د سفر پر مهال وويل چې په ټول توان کوښښ کوو، چې د هيواد د لرې پرتو سيمو وړ او مستحقو کورنيو ته په پوره روڼتيا او چټکتيا سره مرستې ورسوو.
نوموړي هلته شهيدانو ته د دعا ترڅنګ د زرو بېوزلو، معيوبو، شهيدانو او بې ځایه شوو کورنيو سره د نقدي او خوراکي توکو مرسته وکړه.
د لوګر ولايت د ولسونو په نمايندګۍ حاجي غلام نبي د مهاجرينو او راستنېدونکو چارو وزیر د سفر څخه مننه وکړه او د ولسونو شته ستونزې يې د وزير صاحب سره شريکې کړې.
وروسته د لوګر ولايت والي مولوي عنایت الله شجاع خبرې وکړې د مهاجرينو او راستنېدونکو چارو وزیر د سفر څخه يې مننه وکړه او د ولسونو څخه يې د وړ او مستحقو کورنيو په پيژندلو کې د مرستې غوښتنه وکړه.
