شماری از نماینده گان مهاجرین مقیم پاکستان، با اتشه مهاجرین افغان در آنکشور دیدار نمودند

به اساس گزارش اتشه امور مهاجرین افغان مقیم شهر اسلام آباد کشور پاکستان، شماری از نماینده های مهاجرین افغان مقیم آنکشور، بتاریخ 19 جدی، با مسوولین دفتر اتشه مهاجرین دیدار نمودند.
حاجی سید گل به نماینده گی از آنان صحبت نموده پیرامون مشکلات در محل زیست شان معلومات مفصل را با مسوولین اتشه شریک ساخت.
مسوولان اتشه مهاجرین مشکلات آنان را استماع، رهنمایی های لازم را ایراد و پیرامون وقوع رخداد های فوق معلومات داده تصریح نمودند که موضوعات مرتبط به مهاجرین با مقامات عالی رتبه کشور میزبان شریک شده و تحت پیگیری جدی دفتراتشه میباشد.
دراخیر حاضرین ازحمایت و پیشتیبانی مستمر مهاجرین افغان قدردانی نموده خواهان رسیده گی و توجه بیشتر پیرامون قضایای مهاجرین شد.