د کابل نوي ښار پارک او يو شمېر نورو سېمو د (900) څخه زياتې کورنۍ خپلو اصلي مېنو ته ولېږدول شوې
د کابل نوي ښار پارک، (13مې) ناحيې او حضوري چمن څخه (988) بې ځايه شوې کډوال د خپلې خوښې ستنېدنې برنامې له لارې خپلو اصلي مېنو ته ولېږدول شول.
د دغه کورنيو د انتقال پرمهال د کابل د مهاجرينو او راستنېدونکو چارو رئيس قاري عبدالمتين رحيمزی وویل: د دې برنامې له لارې (991) بې ځايه شوي کډوال، چې د کندز، بغلان، غور،بدخشان، پنجشير، پروان، تخار، پکتيا،کاپيسا، فراه، لغمان،باميان، فارياب او دايکندي ولايتونو اوسېدونکي دي، لېږل کېږي.
هغه زياته کړه، ددې برنامې له لارې هرې کورنۍ سره د يونين ايډ موسسې او افغان مېرمنو رضا کاره بنسټ د ترانسپورټ او په اړوند ولايتونو کې د مهاجرينو رياستونو لخوا د خوراکي توکو مرسته کېږي.
ښاغلي رحيمزي د ټولو نړيوالو او کورنيو خېريه بنسټونو له مرستو څخه ځانګړی مننه وکړه او و يې وويل: له موسساتو او خېريه بنسټونو سره په مسلسه توګه په اړيکه کې; ترڅو د اړمنو او بې ځايه شويو خلکو لپاره مرستې را جلب کړي.
د يادونې وړ ده, چې د (13مې) ناحيې څخه (84) کورنۍ چې د ننۍ برنامې د انتقال برخه وه د يونسيار لخوا ورسره مرسته وشوه.
