د کډوالو نړیوال سازمان له افغانستان سره 30 میلیونه ډالره مرسته کوي

sadam_morr
چهارشنبه ۱۳۹۸/۷/۲۴ - ۹:۱۳
د کډوالو نړیوال سازمان له افغانستان سره 30 میلیونه ډالره مرسته کوي

د کډوالو د نړیوال سازمان او د کډوالو او راستنېدونکیو چارو وزارت ترمنځ د اجرائيه رئيس په حضور کې بې ځایه شویو او راستنېدونکیو کورنیو ته د رسېدګۍ لپاره د دېرش میلیونه ډالرو مرستې هوکړه لیک لاسلیک شو.

د کډوالو او بېرته راستنېدونکیو چارو اجرایوي کمېټې نن سهار خپله ناسته د افغانستان اسلامي جمهوریت د اجرائيه رئيس ډاکټر عبدالله عبدالله په مشرۍ په سپېدار ماڼۍ کې وکړه .

په دې ناسته کې لومړی د کډوالو او بېرته راستنېدونکیو چارو وزیر سید حسین عالمي بلخي د تېرو جلسو په اړه مفصل رپوټ وړاندې کړ او زیاته یې کړه، چې له بې ځایه شوې کورنیو سره تر دې دمه ټولې بېړني مرستې ترسره شوي .

د کډوالو او بېرته راستنېدونکیو چارو وزیر سید حسین بلخی غوڼډې ته د کډوالو او بېرته راستنېدونکیو سره د ژمنیو مرستو مشترکې ستراتیژۍ په هکله معلومات وړاندې کړل او ویې وویل، چې 52 زره بې ځایه شوې کورنۍ د ژمنو مرستو لپاره بېړنۍ اړتیا لري.

ښاغلي بلخي وویل، چې د افغانستان مالیه وزارت د 52 زره بې ځایه شویو کورنیو سره د مرستو توان نه لري، مالیې وزارت اوس مهال لپاره یواځې 15 زره کورنیو لپاره بودیجه لري، چې پاتې 35 زره کورنۍ د بودیجي نه شتون سره مخ دي.

د کډوالو چارو وزیر وړاندیز وکړ، چې له 52 زره اړمنو کورنیو سره دې ژر تر ژره ژمنۍ مرستې وشي، څو بېرته خپلو اصلي مېنو ته د بې ځایه شویو کورنیو د لېږد په برخه ګټور تمام شي .

ښاغلي عالمي بلخي د غونډې ګډونوالو ته د بې ځایه شویو کورنیو په اړه وویل، چې تر اوسه په 2019 کال کې د بې ځایه شویو کسانو شمېر 495096 تنو ته رسېږي، چې 198233 تنه یې بېرته خپلو اصلي مېنو ته ستانه شوي دي.

د هغه په وینا، تر اوسه پورې د جګړو له امله له ننګرهار، فاریاب، هلمند، فراه، تخار، وردګو، کندوز او بلخ ولایتونو څخه په 2019 کال کې 80171 تنه له خپلو اصلي مېنو بې ځایه شوي، چې په دومره موده کې 6533 کورنۍ بېرته خپلو اصلی مېنو ته ور ګرځېدلي دي. همدارنګه ښاغلي بلخي زیاته کړه، چې له دې جملې څخه 71228 کورنيو سره نړیوالو ټولنو بېړنې مرستې کړي دي.

د افغانستان اسلامي جمهوریت اجرائیه رئیس ډاکټر عبدالله عبدالله له ټولو کورنیو او نړیوالو ادارو څخه ستاینه او مننه وکړه، چې افغانستان کې له بې ځایه شویو کورنیو سره مرستې کوي .

د هېواد اجرائيه رئیس ډاکټر عبدالله عبدالله ټینګار وکړ، چې ټولې ادارې باید په ګډه کار وکړي او د ژمنیو مرستو د مشترکې ستراتیژۍ په برخه کې دې له مالیې وزارت سره د بودیجې د تامین لپاره ناستې وکړي او دا مساله دې حل شي.

اجرائيه رئیس وویل، چې د ژمي موسم په را رسېدو سره دې حکومتي مسوولې ادارې د راستنېدونکیو او کډوالو کورنیو لپاره بشپړ چمتووالی لري او اړوندو ادارو ته یې هدایت ورکړ، چې خپلې غوښتنې له ملي پلان سره بشپړې او د کډوالو چارو وزارت په مشرۍ دې د دې پلان له نهايي کېدو په اړه ناستې وکړي او خپل رپوټ دې راتلونکې ناستې ته وړاندې کړي.

د هېواد اجرائیه رئیس وویل، چې له شته بودیجې څخه دې هر څه ژر له اړو کورنیو سره عاجل مرستې وشي او په دې برخه کې هېڅ ډول ناغېړي د منلو وړ نه ده.

همدارنګه د غونډې په پای کې د کډوالو او بېرته راستنېدونکیو چارو وزارت او د کډوالۍ لپاره د نړیوالي ادارېIOM سره د 30 میلیون ډالرو په ارزښت د بې ځایه شویو او بېرته راستنېدونکیو کورنیو لپاره تفاهمپاڼې هم لاسلیک شوې.
#سرچينه د اجراييه رياست وېب پاڼه

تازه ترین خبر

دوشنبه ۱۳۹۸/۱۱/۷ - ۱۰:۲۱
Background image

وزارت امور مهاجرین و گروه کاری مشترک جامعه مدنی تفاهمنامه همکاری امضا کردند

داکتر عالمه معین امور پناهندگان وزارت امور مهاجرین و عودت کنندگان و آقای احمدی رئیس شبکه گروه کاری مشترک جامعه مدنی به پای تفاهمنامه ای امضا کردند که بر اساس آن دو اداره برای دادخواهی. . .

یکشنبه ۱۳۹۸/۱۱/۶ - ۱۰:۵۰
Background image

بیشتر از شش هزار خانواده مستحق در سراسر کشور کمک دریافت نمودند

برای شش هزار و ۵۱۹ خانواده بیجاه شده و مستحق در یک هفته گذشته کمک صورت گرفت. این مساعدت های زمستانی از تاریخ ۲۸ جدی الی سوم دلو سال روان در همآهنگی وزارت امور مهاجرین و عودت کننده گان. . .

شنبه ۱۳۹۸/۱۱/۵ - ۱۷:۵
Background image

وزیر امور مهاجرین و رئیس اداره برنامه غذایی جهان در رابطه به همکاری های مشترک دو اداره صحبت کردند

رابرت کسکا رییس دفتر سازمان غذایی جهان(دبلیو اف پی) در کابل، روز پنجشنبه 3 جدی سال روان با سیدحسین عالمی بلخی وزیر امور مهاجرین وعودت کنندگان دیدار و در رابطه به همکاری های مشترک دو. . .

بازگشت به خبر