يوشمېر هېوادونه او نړيوال سازمانونه د افغان راستنېدونکو د دوامداره يوځای کېدو ملاتړ کوي

anwari_morr
پنجشنبه ۱۳۹۹/۷/۱۷ - ۱۱:۲
برخی از کشورها و نهادهای جهانی از ادغام پایدار برگشت کنندگان افغان حمایت می کنند

 د افغان کډوالو لپاره د ستراتېژيکو حل لارو ملاتړ ميکانيزم اصلي ګروپ پرانيستې کې، چې انلاين ترسره شوه د دې ډلې غړو هېوادونو او نړيوالو سازمانونو د افغان راستنېدونکو د دوامداره يوځای کېدو ملاتړ کوي.

دغه ناسته چې د تلې په ۱۶مه د نظرونو د شريکولو او همکاريو د جلب په موخه جوړه شوې وه، د افغانستان په استازيتوب د کډوالو او راستنېدونکو چارو  سرپرست او نوماند وزير نور رحمن اخلاقي،د پناه غوښتونکو لپاره د ملګرو ملتونو عالي کميسار فليپوګراندي، د ايران په استازيتوب مهدي محمودي د کورنيو چارو وزارت مرستيال او دخلکو د ادارې رئيس، د پاکستان په استازيتوب د پاکستان د سفران وزير سطان محبوب او يوشمېر بنسټونو او هېوادونو استازو شتون درلود.

  د کډوالو چارو وزارت سرپرست وزير د ايران او پاکستان د کوربه توب او د نړيوالې ټولنې د ملاتړ له امله مننه وکړه او د اوږدې مودې بېځايه کېدنې پای ته رسولو لپاره يې د افغانستان دحکومت پرژمنو يې يوځل بيا ټينګار وکړ.

ښاغلي اخلاقي د نړيوالې ټولنې د پخوانيو همکاريو يادونه وکړه، اوس دحل ستراتېژۍ دملاتړ ميکانيزم د اصلي ډلې غړو په توګه، موږ تمه لرو چې د افغان کډوالو وضعيت په روښانه کولو او دکډوالو او داخلي بېځايه شوو اشخاصو راستنېدنې لپاره دحل لارې پلي کولو لپاره لازم سياسي، مالي او مادي ملاتړ چمتوکولو کې قوي مرسته وکړي.

همدارنګه د پناه غوښتونکو لپاره د ملګرو ملتونو کميسار د افغانستان په ملاتړ او نړيوالې ټولنې په کوربه توب باندې ټينګار وکړويې ويل، د راستنېدونکو اسانتياو لپاره دحل لارې بايد پلان شي او کوربه هېوادونو اړتياوې بايد د کرونا د راتلو په شرايطوکې په پام کې ونيول شي.

په ورته وخت کې د ايران او پاکستان دولت استازو پناه غوښتونکو ته د خدمتونو د وړاندې کولو يادونه وکړه او د اغېزمنو پرمختيايي پرګورمونو پر اړتيا يې ټينګار وکړ ترڅو کډوال په خپله خوښه راستنېدو ته وهڅوي.

د بېلابېلو هېوادونو استازو لکه، امريکا متحده ايالات، اروپايي ټولنې، ډنمارک، المان، جاپان، قطر، سوېس، جنوبي کوريا ، نړيوالو بنسټونو استازو، (يو،ان، دی، پی) اسياپراختيايي بانک، نړيوال بانک استاز، چې د افغان کډوالو لپاره د ستراتېژيک حل ملاتړ ميکانيزم اصلي ډلې غړي دي، او په سوېس کې د افغانستان سفير په ګډون ځينې سفارتونو هم په دې ناسته کې برخه اخيستې وه او ددې ميکانيزم څخه يې خپل ملاتړ اعلان کړ.

 

تازه خبرونه

سه‌شنبه ۱۳۹۹/۸/۶ - ۹:۴
Background image

د ظرفيتونو پر لوړولو جدي ټينګار؛

د کډوالو وزارت سرپرست او نوماند وزير وايي، زموږ اداره د پلان پلي کولو لپاره روښانه پلان لري، د کډوالو او راستنېدونکو چارو وزارت سرپرست وزير نور الرحمن اخلاقي د بېرته راستنېدونکو د. . .

دوشنبه ۱۳۹۹/۸/۵ - ۱۵:۵۰
Background image

د پناه غوښتونکو مرستيال د هلمند ولايت د داخلي بېځايه شوو وضعيت  څېړلو په موخه هلمند ته سفر وکړ

د کډوالو او راستنېدونکو چارو وزارت د پناه غوښتونکو مرستيال وفي الله کاکړ د لړم په ۴مه د يو پلاوي په مشرۍ هلمند ولايت ته د داخلي بېځايه شوو د وضعيت څېړلو په موخه سفر وکړ.

ددغه سفر موخه. . .

یکشنبه ۱۳۹۹/۸/۴ - ۹:۵۰
Background image

تېره مياشت په هېواد کې نږدې ۳۰ زره کورنيوسره مرستې شوي

تېره مياشت د تلې د لومړۍ نېټې څخه تر ۳۰مې نېټې پورې د هېواد په ۲۶ کې ۲۷۴۲۲ راستنېدونکو او بېځايه شوو کورنيوسره نغدي، خوراکي،غير خوراکي او روغتيايي کڅوړو مرستې شوي.

په دغو مرستو کې اوړه. . .

بېرته خبرونه ته