د کډوالو چارو وزارت د ۴۰۰ زرو څخه زیاتو ډالرو په ارزښت د همکارۍ درې هوکړه لیکونه لاسلیک کړل
د وږې میاشتې په ۲ مه نیټه د کډوالو او راستنېدونکو چارو وزارت د راه نوین ټولنیزې او پراختیایي موسسې سره د ۴۷۳ زره او ۳۶۹ امریکايي ډالرو په ارزښت د همکارۍ درې هوکړه لیکونه لاسلیک کړل.
د لاسلیک شوي هوکړه لیک پر بنسټ به یاده موسسه نوموړې پیسې د ښوونیزو چارو، د څاه کیندنې او د څښاک د پاکو اوبو د شبکو جوړولو، نغدي مرستو د ویش، روغتیايي خدمتونو، د اوبو فلټرونو، د لمریزو سیستمونو د نصبولو، د اوبو د څاه ګانو ترمیم او روغتیايي چارو کې د عامه پوهاوي په برخو کې په کندز، بدخشان، میدان وردک او خوست ولایتونو کې په مصرف ورسوي. له دې پروژو څخه به ۱۲۷۰ کورنۍ او ۲۲۴۰ راستنېدونکي او اړمنې کورنۍ به ورڅخه ګټه پورته کړي.
