د کډوالو او راستنېدونکو چارو وزير د(Zoom) برنامې له لارې د چين دخلکو دملي ورځې په لمانځلوکې برخه واخيسته
د کډوالو او راستنېدونکو چارو وزارت سرپرست او نوماند وزير نور رحمن اخلاقي د ويډيو کنفرانس له لارې د چين دخلکو دملي ورځې په لمانځلو کې برخه واخيسته.
په کابل کې د چين دخلکو سفارت دخپل هېواد ملي ورځ د ويډيوکنفرانس له لارې د ولسمشر د لومړي مرستيال، دکابينې د غړو، پخواني ولسمشر، سياسي او جهادي مشرانو، د دوست هېوادونو سفيرانو او د نړيوالو بنسټونو د استازو په شتون کې ولمانځله.
د ولسمشر لومړي مرستيال امرصالح، پخواني ولسمشر حامد کرزي او يوشمېر نورو حکومتي چارواکو او د نړيوالو بنسټونو استازو د چين خلکو ته ددغې ورځې مبارکي وويله.
د چين دخلکو ملي ورځ دچين سفارت له خوا په داسې حال کې انلاين لمانځل کېږي، چې لا هم په هېواد او سيمه کې د کرونا د لازياتو څپو او ويروس خپرېدو خطر شتون لري.
