په کابل کې د فنلنډ سفير د کډوالو چارو وزارت سرپرست وزير سره وليدل
په کابل کې د فنلنډ سفير د کډوالو او راستنېدونکو چارو وزارت سرپرست وزير نور رحمن اخلاقي سره وليدل او د کډوالۍ په برخه کې په ګډ هوکړه ليک يې خبرې وکړې.
د کډوالو چارو وزارت سرپرست وزير په دغه ليدنه کې په فنلنډ کې د افغان کډوالو د اوسېدو او کوربتوب له امله مننه وکړه ويې ويل، د ګډې اعلاميې لاندې د کډوالو په اړه زموږ ژمنې دومداره دي او اوس چې وخت پای ته رسېدلی، موږ اړتيا لرو د هغو په نوي کولو کار وکړو.هغه همدارنګه ددغه هېواد نه د راستنېدونکو د دوامداره يوځای کېدو په برخه کې د همکاريو غوښتونکو شو.
په دغه ناسته کې چې په وزارت کې ترسره شوه پرېکړه وشوه، چې د پلي کولو په اړه تخينکي کار پيل او د کډوالو دمديريت په برخه کې د افغانستان او فنلنډ ګډه اعلاميه څنګه وغزول شي.
په ورته وخت کې د فنلنډ سفير د ګډوالو د ګډ مديريت په برخه کې د همکاريو د دوام خبر ورکړ او د افغان کډوالو دوضعيت او دسولې په اړه يې د دغه وزارت د نظر غوښتنه وکړه.
ښاغلي اخلاقي يادونه وکړه چې د کډوالو او راستنېدونکو چارو وزارت پنځه کلن ستراتېژيک پلان په لاره اچول شوی او دسولې د واقعيت پورې اړوند اړين نرمښت پکې په پام کې نيول شوی دی.
