په ایران د افغان کډوالو د حضور قانوني کولو لارې وارزول شوې

anwari_morr
چهارشنبه ۱۳۹۹/۳/۲۸ - ۱۲:۱۷
33
 
د جمهوررئیس د لومړي مرستیال امرالله صالح په مشرۍ غونډه په ایران اسلامي جمهوریت کې د افغان کډوالو د حضور قانوني کولو د لارو ارزونې په موخه نن په ارګ کې جوړه شوه.
په دې غونډه کې چې د بهرنیو چارو وزارت سرپرست محمد حنیف اتمر، د کډوالو چارو وزیر سیدحسین عالمي بلخي، د احصائیې او معلوماتو ملي ادارې رئیس جاوید رسولي او په افغانستان کې د کډوالو په چارو کې د ملګرو ملتونو سازمان عالي کمشنرۍ رئیس هم ګډون درلود، په ایران اسلامي جمهوریت کې د افغان کډوالو د شمېر، حقوقي وضعیت او د هغوی د حضور د قانوني کولو پر لارو هراړخیزه خبرې وشوې.
همدا راز په دې غونډه کې پرېکړه وشوه چې د بهرنیو چارو وزارت سرپرست وزیر دې د ایران اسلامي جمهوریت ته په نږدې راتلونکي سفر کې د یاد هیواد مقاماتو سره په ایران کې د افغان کډوالو د هویت د تثبیت ، الکترونیکي تذکرې او پاسپورت پروسې د پیلولو او د دوی د حضور د قانوني کولو په اړه د افغانستان د حکومت د چمتووالي په هکله خبرې وکړي.
دغه غونډه د ملي امنیت شورا او یوې بلې غونډې په دوام چې د افغانستان د اسلامي جمهوریت د جمهوررئیس په مشرۍ په ایران کې د میشتو افغان کډوالو د ستونزو د حل او ارزونې په موخه د روانې اوونۍ په پیل کې جوړې شوې وې، ترسره شوه.

تازه خبرونه

یکشنبه ۱۳۹۹/۴/۲۹ - ۷:۲۶
Background image

د کډوالو چارو وزير د بلخ ولايت دغاليو جوړونکو د ښارګوټي نه ليدنه وکړه

 

د کډوالو او راستنېدونکو چارو وزير سيد حسين عالمي بلخي د چنګاښ په ۲۶مه  بلخ ولايت ته په خپل سفر کې د بلخ ولايت دغاليو جوړونکو د ښارګوټي نه ليدنه وکړه او دهغوی ستونزې يې واورېدې.

د. . .

پنجشنبه ۱۳۹۹/۳/۲۹ - ۱۲:۹
Background image

پاکستان کې يو شمېر افغان کډوالوته نغدي مرستې پيل شوې

په پاکستان کې هغو افغان کډوالو ته، چې د کرونا وېروس قرنطين لخوا زيانمن شوي و دنغدي مرستو وېش په دې وروستيو کې پيل شوي دی. د پېښور د کډوالو د اتشې په وينا دغه برنامه هغه کورنۍ تر پوښښ. . .

چهارشنبه ۱۳۹۹/۳/۲۸ - ۱۲:۱۷
Background image

په ایران د افغان کډوالو د حضور قانوني کولو لارې وارزول شوې

 
د جمهوررئیس د لومړي مرستیال امرالله صالح په مشرۍ غونډه په ایران اسلامي جمهوریت کې د افغان کډوالو د حضور قانوني کولو د لارو ارزونې په موخه نن په ارګ کې جوړه شوه.
په دې غونډه کې. . .

بېرته خبرونه ته