د مهاجرينو چارو وزير  بيت الله شريف ته د تلوونکو افغان مهاجرينو سره  خبرې وکړې

sadam_morr
شنبه ۱۴۰۲/۳/۱۳ - ۱۱:۵۱
-

د مهاجرينو او راستنېدونکو چارو وزير الحاج خليل الرحمن حقاني د هغو افغان مهاجرينو سره د وزارت د ناستو په تالار کې خبرې وکړې، چې د مهاجرينو چارو وزارت له لارې بېت الله شريف ته  تلوونکي دي.
د مهاجرينو چارو وزارت له لارې په روان کال کې زر ته افغان مهاجرينو، چې  په پاکستان، ايران او يوشمېر نورو هېوادونو کې مېشت دي سعودي عربستان ته د حج د فرضې د ادا کولو لپاره لېږل کېږي.
د دوی پچه اچونه په دغه وزارت کې تر سره شوې وه، چې د (۴) زره او (۵۰۵) تنو غوښتونکو له ډلې  يې زرو تنو سعودي عربستان ته د تلو چانس تر لاسه کړی.
د مهاجرينو چارو وزير له دوی سره په ليدنه کې په دغه وزارت کې د اسنادو د طی مراحلو، د حج او اوقافو او سعودي عربستان ته د سفر په اړه معلومات ورکړل.
هغه له حاجيانو څخه غوښتنه وکړه، چې له کابل څخه سعودي عربستان ته د تګ او هېواد ته د راستنېدو پرمهال له نورو حاجيانو په  شان له صبر څخه کار واخلي او څنګه چې ورته استادان لار ښوونه کوي د حج مراسم په ښو اخلاقو او حوصلې سره ترسره کړي.
حقاني دوی ته ډاډ ورکړ، چې ددې وزارت چارواکي او کار کوونکي  د خدمتګارانو په توګه  د دوی په خدمت کې دي  او د دوی  د اسنادو اداري طی مراحل ترسره کوي.
وروسته د حقوقي ملاتړ رئيس  او د حاجيانو د کمېټې مسؤل مولوي غلام نبي داد خېل  په مهاجرينو چارو وزارت او يوشمېر نورو ادارو کې د دوی د اسنادو د طی مراحلو په اړه معلومات ورکړل او ډاډ يې ورکړ، چې د وزارت په بېلابېلو برخه کې موظف شوي کار کوونکي د دوی په خدمت کې دي.

تازه خبرونه

شنبه ۱۴۰۳/۴/۲۳ - ۱۳:۲۴
Background image

د بلخ د مهاجرینو چارو رییس د مهاجرینو چارو وزارت له وزیر سره ولیدل

 
د مهاجرینو او راستنېدونکو چارو وزیر الحاج خلیل الرحمن حقاني د بلخ ولایت د مهاجرینو او راستنیدونکو چارو له رییس مولوي اسدالله وفا سره د خپل کار په دفتر کې ولیدل.
په دې لیدنه کې. . .
چهارشنبه ۱۴۰۳/۴/۲۰ - ۱۵:۱۷
Background image

د داخلي بې ځایه شویو د شمېر د یوکېدا دویمه تخنیکي ناسته وشوه

 د مهاجرینو چارو وزارت د مرستیال الحاج مولوي عبدالرحمن راشد په مشرۍ د ملګرو ملتونو د کډوالو د عالي کمېشنرۍ او د مهاجرت نړیوال سازمان د استازو په شتون کې د داخلي بې ځایه شویو د شمېر د. . .

سه‌شنبه ۱۴۰۳/۴/۱۹ - ۹:۵۳
Background image

د ننګرهار د مهاجرینو چارو رییس د مهاجرینو چارو له وزیر سره ولیدل

د ننګرهار د مهاجرینو او راستنېدونکو چارو رییس  حاجي باﺯ محمد عبدالرحمٰن د مهاجرینو او راستنېدونکو چارو سرپرست وﺯير الحاج خليل الرحمن حقاني سره وليدل.
په دې ليدنه کې د ننګرهار د مهاجرینو. . .

بېرته خبرونه ته