دباميانو ولايت د شېبر ولسوالۍ مشرانو او ځايي اوسېدونکو کډوالو چارو وزير د کارنو ستاينه وکړه
د باميانو ولايت د شېبر ولسوالۍ يوشمېر مشران،سپين ګيري او ځايي اوسېدونکي د کب په ۳مه کډوالو چارو وزارت ته راغلل او د کډوالو او راستنېدونکو چارو وزير سيد حسين عالمي بلخي دکارونو ستاينه يې وکړه.
دوی په ملي او نړيواله کچه دکډوالو مديريت، دکډوالو په زور سره ويستلومخنيوی، په خپله خوښه راستنېدوته زمينه برابرول، په وخت سره داخلي بېځايه شوو ته لاس رسی، دپرمختيايي پلانونو په پلي کولو سره دکډوالو په ښارګوټوکې د ژوند دښه شرايطو برابرول او د باميانو ولايت د کډوالو په قشقه ښارګوټي کې دنمرو وېش په پنځوکلونوکې د عالمي بلخي دمهمو کړنو او لاسته راوړنو څخه ياد کړل.
دکډوالو او راستنېدنکو چارو وزير د شېبر ولسوالۍ دمشرانو د راتګ څخه مننه وکړه او يادونه يې وکړه،چې چارواکي دخلکو دخدمت کولو پرته هېڅ دنده نلر، هغه زياته کړه څلوېښت کالو جګړو او نا امنيو دخلکو لپاره ډېرې ستونزې رامنځ ته کړي،چې يوه يې کډوالي او بېځايه کېدنه ده،هغه هېله څرګنده کړه چې په هېواد کې د سولې په راتلو سره دجګړې او ناامنۍ پای، دکډوالۍ پای او دهېواد خلکو لپاره ديوالي تفاهم او خواږۍ شاهد اوسو.
هغه دا هم په ګوته کړه،چې دولسمشر دنوي فرمان په اساس اوس دهېواد هر وګړی کولای شي دخپل ولايت سربېره په نورو ولايتونوکې هم دکور لپاره غوښتنه وکړي.