مسلکي مرستيال: د راستنېدونکو او بېځايه شوو د دوامدره حل لارو په خبره کې د اړوندو بنسټونو همغږي موثره ده
![صدام انوری](/sites/default/files/2022-12/dsc_9821.jpg)
د مهاجرينو او راستنېدونکو چارو وزارت د مسلکي مرستيال مولوي عبدالرحمن راشد په مشرۍ د راستنېدونکو او بېځايه شوو د دوامداره حل لارو د همغږۍ ناسته ترسره شوه.
دغه ناسته پنجشنبه د ليندۍ په (۱۷) مه د مهاجرينو چارو وزارت کې ترسره شوه، چې پکې د همغږيو د رامنځته کولو، د دندو د لايحې نهايي کولو او د دوامداره حل لارو د کاري ډلې د رامنځته کولو په اړه خبرې وشوې.
د مهاجرينو چارو وزارت مسلکي مرستيال د راستنېدونکو او بېځايه شوو د دوامداره حل لارو د کاري ډلې رامنځته کول او د ملي او نړيوالو مرستندويه بنسټونو حضور د راستنېدونکو او بېځايه شوو د بيا يوځای کېدو په برخه کې مهم وباله ويې ويل،چې د پراختيايي پروژو پلي کول او د مرستندويه بنسټونو بشپړه همغږي کولای شي، چې د راستنېدونکو او بېځايه شوو د دوامداره حل لارو په خبره کې ګټوره ثابته شي.
په پام کې ده، چې د غه کاري ډله د څو ملي او نړيوالو بنسټونو په غړيتوب او همغږۍ جوړه شي، ترڅو بېځايه شوو او راستنېدونکو ته د ستونزو د حل په موخه خدمات وړاندې کړي.