د همکارۍ دوه هوکړه لیکونه لاسلیک شول
د مهاجرینو او راستنېدونکو چارو په وزارت کې د مهاجرینو لپاره د ودان افغانستان او د ناروې له پلاوي موسسې سره د ۱ میلیون ۴۴۷ زره او ۳۳ ډالرو په ارزښت د همکارۍ دوه هوکړه لیکونه لاسلیک شول.
د دې هوکړه لیکونو له مخې، د مهاجرينو لپاره د ناروې د پلاوي موسسه به د دايمي سرپناوو جوړولو، د سرپنا د ترميم او بيارغونې، د کور د کرايې د ورکړې، د سولرو د پېرلو او د مهاجرینو لپاره د سرپناوو د جوړولو او ترميم په برخه کې ٨ سوه ۶۰ زره او ۳۷ امریکایي ډالره لګوي، چې کابل، کندهار، کندز، ننګرهار، سرپل، هرات او زابل ولایتونو کې به ۵ زره ۵۶۸ کسان ګټه ترې واخلي.
او د ودان افغانستان موسسه به د ۲ لکه ۳۸ زره او ۶۹۶ ډالرو په ارزښت د مچیو ساتنې د زده کړې او بازارموندنې، سوداګرۍ او په ننګرهار او لغمان ولایتونو کې د ۱۵۰ کسانو لپاره د مچیو ساتنې د کیت د پیرودلو په برخه کې ولګوي.
دا هوکړه ليکونه د وزارت د مسلکي معینیت سرپرست محمد جان خدرخېل او د دعوت او ارشاد رييس او د دغو موسسو د استازو له لوري لاسليک شول.
