د کډوالو او راستنېدونکو چارو وزارت دوه هوکړه لیکونه لاسلیک کړل
د کډوالو او راستنېدونکو چارو وزارت د افغان پراختیایي او ایپک انټرنشنل موسسو سره د یو لک ۲۰ زره او ۳۸۰ امریکایي ډالرو په ارزښت دوه تړونونه لاسلیک کړل.
د یادو تړونونو له مخې به نوموړې موسسې دا پیسې د مشورتي خدمتونو او مشورې ورکولو، د مهاجرینو په ښارګوټو کې د څښاک د پاکو اوبو او په کابل، نیمروز، کندهار، لغمان او ننګرهار ولایتونو کې د ښوونکو د ګومارنې په برخه کې مصرف کړي. د دې پروژو له پلي کیدو څخه به ۸۰ راستنې شوې، بې ځایه شوې او اړمنې کورنۍ به یې له ګټې برخمنې شي.
