د کډوالو چارو وزارت د داخلي بېځایه شوو وضعیت ته د رسیدنې رییس د بېځایه شوو کورنيو استازو سره ولیدل
د غوایي میاشتې په ۲ مه نیټه د کابل ښار د پنځمې ناحيې اړوند د قمبر څلور لاري په کمپ کې مېشت د داخلي بېځایه شوو کورنيو یو شمېر استازو د کډوالو او راستنېدونکو چارو وزارت د داخلي بېځایه شوو وضعیت ته د رسیدنې رییس مولوي سردار شیرزاد سره لیدنه وکړه.
په دې لیدنه کې هغوی غوښتنه وکړه، چې د دوی د یاد کمپ څخه خپلو اصلي سیمو ته د لېږد زمینه برابره شي.
ښاغلي شیرزاد په دې اړه هغوی ته ډاډ ورکړ او زیاته یې کړه: د داخلي بېځایه شوي کورنۍ خپلو اصلي سیمو ته د لېږد په موخه وړاندیز ترتیب شوی او د منظورۍ وروسته به د ملي او نړیوالو بنسټونو په همکارۍ به خپلو اصلي مېنو ته به یې ستنې کړو. هغه د دې وزارت د موخو د تحقق او بېځایه شوو کسانو خپلو اصلي سیمو ته د لېږد په برخه کې د لا زیاتو هڅو ژمنه وکړه.
