سرپرست وزیر د پروان او کاپیسا ولایتونو د مهاجرینو چارو له مسولینو سره ولیدل
د مهاجرینو او راستنېدونکو چارو وزارت سرپرست الحاج خلیل الرحمن حقاني د خپل کار په دفتر کې د پروان ولایت د مهاجرینو چارو رییس حاجي امان الله مجاهد او د کاپیسا ولایت د مهاجرینو چارو آمر قاري حمدالله شهیدزاده سره جلا جلا لیدنه وکړه.
په دې لیدنو کې د دواړو ولایتونو د مهاجرینو چارو مسولینو خپلې کړنې، خدمتونه، له اړمنو سره شوې مرستې، او ستونزې د وزارت له سرپرست سره شریکې کړې.
ښاغلي حقاني وویل: د مرستو او خدمتونو وړاندې کول باید له هوکړه لیک سره سم وي او پکار ده چې له اړمنو سره د کار په بدل کې مرستې وشي.
سرپرست وزیر پر ورڼتیا، همغږۍ او نورو اړینو چارو ټینګار څرګند کړ او د ستونزو د حل په موخه یې لازمې لارښوونې او سپارښتنې وکړې.
