د مهاجرينو چارو وزارت او درې موسسو ترمنځ د همکاريو هوکړه ليکونه لاسليک شول
د ۳۴۲ زره ډالرو په ارزښت درې هوکړه ليکونه د مهاجرينو چارو وزارت او د هيات معاونت بين المللي، خيريه بشري او انکشاف اجتماعي او اقتصادي موسسې ترمنځ د همکاريو هوکړه ليکونه لاسليک شول.
د هيات معاونت بين المللي موسسې سره د لاسلک شوي هوکړه ليک له مخې ياده موسسه به په بلخ ولايت کې د ۱۶ زره او۶۹۱ ډالرو په ارزښت يو زرو ۷۱۰ تنو ته په تخنيکي او مسلکي برخو کې روزنيز پروګرامونه پر لاره اچوي.
همدارنګه خيريه بشري موسسه به د لاسلک شوي هوکړه ليک له مخې د ننګرهار ولايت په سرخرود او بهسود ولسوالیو کې د ۲ سوه او څلوېښت زره ډالرو په ارزښت يو زرو او۸۹۰ کورنيو ته د خوراکي توکو د برابرولو، نغدي پيسو، د سبزيجاتود تخم، روغتيا ساتنې، د ميندو او ماشومانو د ساتنې، کرونا ناروغۍ او د ښځو پر وړاندې د تاوتريخوالي مخنيوي په اړه د عامه پوهاوي په برخو کې مصرفوي.
په همدې توګه د اقتصادي او اجتماعي پراختیا موسسه به د ۸۵ زره او۳۱۰ ډالرپه هرات ولايت کې ۱۳ زره او ۵۰۰ تنو ته د پېژند پاڼې د اهميت، د تولد کارت او د هغه د ترلاسه کولو په برخه کې مصرفوي.
ياد هوکړه ليکونه د مهاجرينو چارو وزارت د مسلکي مرستيال مولوي عبدالرحمن راشد او يادو موسسو د استازو ترمنځ لاسليک شول.
