په انقره کې دکډوالۍ نړیوال سازمان عمومي رییس سره د پناه غوښتونکودمرستیال خبرې
کډوالو او راستنېدونکو چارو وزارت دپناه غوښتونکو مرستیال وافي الله کاکړ ، چې د یوه دولتي پلاوي په سر کې انقرې ته تللی و ، په ترکیه کې له نړیوالو چارواکو او سازمانونو سره د خپلو ناستو په دوام ته دوام دکډوالۍ دنړیوال سازمان درییس او یوشمېر لوړ پوړو چارواکو سره لیدنه وکړه اوپه دغه هېواد کې دمېشتو افغان کډوالو وضعیت اړوندیوشمې مهمو موضوعاتو یې خبرې وکړې.
دواړو لوریو د کډوالو وضعیت ، د بشردوستانه خدماتو چمتو کول ، د راستنېدو پروسې څارنه او د ادارې نظارت رول پیاوړي کول ، او همدارنګه د کډوالو لپاره د دوی د ملاتړ په اړه ټینګار وکړ او د حکومتونو او بنسټونو ترمینځ د لا ډېرو همکاریو پر اړتیا یې ټینګار وکړ.
لومړی ، د ترکیې دکډوالۍ نړیوال سازمان رییس ، دکډوالو وضعیت ته کتنې لپاره د افغانستان د دپلاوي له لیدنې څخه قدرداني وکړه او د کډوالو لپاره د دفتر فعالیتونه او برنامې یې روښانه کړې.
ښاغلي کاکړ دکډوالو دتنظیم او مدیریت په اړه د افغانستان او ترکیې تر منځ د هوکړه لیک دلاسلیک په اړه خبرو کړ ویې ویل: د کډوالۍ د مدیریت موضوع د دولتونو او نړیوالو بنسټونو په ګډون بحث کیږي ، ځکه چې مدافع سازمانونه د کډوالۍ حقونو ملاتړ کوي ترڅو د خپلو اساسي حقونو دفاع وکړي. د دې اصل له مخې ، د کډوالۍ نړیوال سازمان نه زموږ غوښتنه دا ده چې په ترکیه کې د دکډوالو لومړني حقونو لاسرسي ته زیاته پاملرنه وکړي.
هغه په ترکیه کې دمېشتو افغان ډيپورت شوو کډوالو په غوښتنه ، له سازمان څخه وغوښتل چې له ترکیې څخه افغانستان ته د کډوالو د مړو او قربانیانو په لېږدولو کې د کډوالو له کورنیو سره همکاري وکړي.
