دپالېسۍ او پروګرامونو دپلي کېدو مرستیال دملګرو ملتونو دپراختیایي تخنیکي برخې مسؤل سره لیدنه وکړه

 دکډوالو او راستنېدونکو چارو وزارت دپالیسۍ او پروګرامونو دپلي کېدو معین شېر علم امله وال دغبرګولي په ٤مه دملګرو ملتونو دپراختیایي تخنیکي برخې دمسؤل ادواردسه مورریا سره په خپل کاري دفتر کې لیدنه وکړه

. په دغه لیدنه کې چې په کډوالو وزارت کې ترسره شوه دواړو خواوو دایران څخه دراستنېدونکو کډوالو او دهرات ولایت د داخلي بېځایه شوو دحرفوي زده کړو،راستنېدونکو ځوانانو ته دکارموندنې او دراستنېدونکو کورنیو داقتصادي وضعیت دښه والي په اړه خبرې وشوې

. ښاغلي امله وال د راستنېدنکو افغان کډوالو په کارموندنې ټینګار وکړه اودا کار یې دکډوالۍ په کموالي او دغیر قانوني کډوالۍ په مخنیوي کې مهم وباله. په پام کې ده چې ذکرشوې اداره دیوهوکړه لیک په اساس دکډوالو او راستنېدونکو چارو وزارت سره دحرفوي زده کړو،راستنېدونکوافغان کډوالو ته د کار موندنې او د داخلي بېځایه شوو کډوالو دکورني اقتصاد دښه والي په برخه کې همکاري وکړي

وکړي