سمنګان: د مهاجرينو وزارت مسلکي مرستیال د مهاجرينو ښارګوټی وکاته
د مهاجرینو او راستنېدونکو چارو وزارت مسلکي مرستیال مولوي عبدالرحمن راشد سمنګان ولایت ته د خپل سفر په لړ کې د دغه ولایت د حضرت سلطان ولسوالۍ د مهاجرینو د ښارګوټي لیدنه وکړه.
په دې لیدنه کې ښاغلي راشد د دغه ښارګوټي ستونزې او اړتیاوې له نږدې وکتلې او زیاته یې کړه: د دغه ښارګوټي د اوبو په برخه کې د ستونزو او لومړنیو اسانتیاوو د حل په موخه به دغه موضوع له اړوندو حکومتي ادارو سره شریک کړم.
