د کډوالو چارو وزير د پاکستان هېواد له سفران وزير سره د کډوالو وضعيت په اړه خبرې وکړې
شهريار افريدی چې تازه د پاکستان د سفران وزير په توګه ټاکل شوی، کابل ته په خپل سفر کې له کډوالو چارو وزير سيد حسين عالمي بلخي سره وليدل او خبرې اترې يې وکړې.
د کډوالو چارو وزير د ښه راغلاست او د هغه هېواد د سفران وزارت ته د ښه نظر وړاندې کولو په وسيله د کډوالۍ په برخه کې د دواړو هېوادونو ښو اړيکو په دوام ټينګار وکړ او ويې ويل چې د کډوالو چارو وزارت د دواړو هېوادونو ترمنځ د ښو اړيکوغوښتونکی دی په ځانګړې توګه د کډوالو چارو وزارت او د هغه هېواد د سفران وزارت او هرکله چې د پاکستان هېواد له سفران وزير سره ګورم ، نو د کډوالۍ د مديريت په برخه کې د پاکستان هېواد پر رښتينولۍ مې بارو زياتېږي.
د پاکستان هېواد د سفران وزير کابل ته د خپل سفر موخه د دواړو هېودونو ترمنځ د همکارۍ روحيې پياوړتيا ياده کړه او ددغو هېوادونو ترمنځ يې پر همغږۍ او همکارۍ ټينګار وکړ ويې ويل، چې د ټولو کډوالې له ډلې ۹،۷ ميلونه مسلمانان دي او اسلامي هېوادونه بايد په دغه برخه کې د ګډې همکارۍ لپاره ، چې وړتيايې لري هڅې وکړي.
ښاغلي افريدي يادونه وکړه ، چې پاکستان له ۴۰ کلونو راهيسې د افغان کډوالو کوربه دی او د اړتيا پر مهال به بياهم کوربه توب وکړي او ان د د نړيوالو مرستو پرته به هم کډوالو سره مرستې وکړي، څکه افغانستان او پاکستان يو روح او تن دي.
هغه زياته کړه چې د افغانستان کډوالو چارو وزير يو با درکه او پوه شخص دی او په کډوالو چارو وزارت کې يې د خپل مسوليت په موده کې توانېدلی، چې په کوربه هېوادنو کې کډوال او پناه غوښتونکي او په کور دننه داخلي بېځايه شوي په ښه شان مديريت کړي.
