د پناه غوښتونکو مرستيال د المان کورنيو چارو وزير سره خبرې وکړې
د کډوالو او راستنېدونکو چارو وزارت د پناه غوښتونکو مرستيال وفي الله کاکړ د المان د کورنيو چارو وزارت وزير پيتروايدربايدن سره په انلاين ډول خبرې وکړې.
دواړو لوريو د بېرته راستنېدونکو افغان کډوالو په دوه اړخيز اعلامې، د راستنېدو په پروسه کې د افغانستان له حکومت سره د همکاريو په زياتوالي او د اروپايي ټولنې هېوادونه په ځانګړې توګه جرمني څخه د افغان راستنېدونکو بيا يوځای کېدو لپاره د راتلونکي ملاتړ پروژې په اړه خبرې وکړې.
ښاغلي کاکړ ټينګار وکړ چې اړتيا ده د جرمني دولت دهغو کډوالو په اړه پوره معلومات چمتوکړي، چې افغانستان ته راستنېږي، که دوی يې تصويب يارد کړي. ښاغلي بايد ژمنه وکړه چې د افغانستان له حکومت سره په له نږدې کارکوي.
