د مهاجرينو چارو وزارت مسلکي مرستیال د نیمروز مرستیال والي سره وکتل
د مهاجرینو او راستنېدونکو چارو وزارت مسلکي مرستیال الحاج مولوي عبدالرحمن راشد د نیمروز ولایت له مرستیال والي سید سلیمان اغا سره وکتل.
په دې کتنه کې له مسلکي مرستیال سره د حقوقي ملاتړ رییس الحاج غلام نبي الله داد خېل ستانکزی د نیمروز ولايت د مهاجرينو چارو رييس حاجي عبدالله ریاض او د وزارت د تخنيکي ټيم غړي هم مل وو، چې د مهاجرينو د ستونزو د حل او په دغه ولایت کې د داخلي بېځایه شویو په اړه خبرې پکې وشوې.
په دې کتنه کې د نیمروز مرستیال والي ښاغلي راشد ته د راستنېدونکو او بېځایه شویو د ستونزو د حل په برخه کې د خپلې همکارۍ ډاډ ورکړ.
