د مهاجرينو وزارت مسلکي مرستيال د دغه وزارت چارواکو ته معرفي شو

sadam_morr
دوشنبه ۱۴۰۱/۶/۷ - ۸:۱۷
________

مولوي عبدالرحمن راشد د امير المومنين هبت الله آخند زاده د فرمان پر بنست د مهاجرينو او راستنېدونکو چارو وزارت د مسلکي مرستيال په توګه ټاکل شوی و،  چې د يولړ مراسمو په ترڅ کې د دغه  وزارت چارواکو او کارکوونکو ته  ور وپېژندل شو.

په دغو مراسمو کې چې د وږي په (۶) مه د دغه وزارت د ناستو په تالار کې جوړشوي و د مهاجرينو او راستنېدونکو چارو وزير الحاج خليل الرحمن حقاني وويل: د تېرو څلور لسيزو جګړې او نا امنۍ  د ميلنونونو افغانانو د مهاجرت او بېځايه کېدو لامل شو او تېرو حکومتونه څنګه چې لازمه وه هغه شان د مسؤليت احساس نه دی کړی او ميلينونه هېوادوال مو له ګڼو ستونزو سره مخ دي.

هغه زياته کړه هر مهاجر او بېځايه شوی او همدارنګه په هېواد کې دننه د طبيعي پېښو له امله زيانمن شوي کسان له دغه وزارت څخه د همکارۍ اومرستې تمه لري او د خپلو هېوادوالو د خدمتګارانو په توګه موږ مسؤليت لرو، چې د مرستو په جلبولو، مستحقو کورنيو ته دهغه د وېشلو اوله هېواده  بهر د افغان مهاجرينو  په خپله خوښه او خوندي راستنېدو ته زمينه برابره کړو.

حقاني زياته کړه چې د نوي مرستيال په مفرفي کېدو سره هڅه کو چې د يو متحد او همغږي ټيم په توګه خپلو هېوادوالو ته په جدي او ګټوره توګه خدمات وکړو.

همدارنګه د چارو د ادارې فرهنګي مرستيال مولوي عبدالباقي منصور د مهاجرينو او راستنېدونکو چارو وزارت د مسلکي مرستيال په توګه د ښاغلي مولوي عبدالرحمن راشد د ګمارنې په اړه د امير المومنين فرمان ولوست.

د مهاجرينو او راستنېدونکو چارو وزارت نوي مرستيال مولوي عبدالرحمن راشد د اسلامي امارت د مشرتابه پر ده د شوي اعتماد له امله د مننې ترڅنګ وويل: دا چې بهرنيو يرغلونو او څلوېښت کلنو جګړو زموږ د هېوادوالو د ژوند شرايط سخت کړي او په ميليونونو هېوادوال يې مهاجر کړي د اسلامي امارت په بريا سره سوله او امنيت تامين شوی او د ژوندانه د هوساينې شرايط  برابر شوي؛  نو د مهاجرينواو راستنېدونکو چارو وزارت به د راستنېدونکو، داخلي بېځايه شوو او اړمنو کورنيو په برخه کې لا ډېرې هڅې وکړي او هيله لرم چې د دغه وزارت د چارواکو، کارکوونکو او اړونده ادارو په همکارۍ دخپلو هېوادوالو لپاره ارزښتناکه او ګټور خدمات وړاندې کړم.

د معرفۍ په دغو مراسموکې د کرنې او مالدراۍ وزرات  سرپرست  مولوي عطا الله عمري او د کورنيو چارو وزارت د طبيعي پېښو پروړاندې د مبارزې رئيس الحاج حافظ نورالله انصارد موضوع اړوند خبرې وکړې او د مهاجرينوچارو مشر تابه، چارواکو او کارکوونکو ته يې په چارو کې د لا برياهيله وکړه.

تازه خبرونه

شنبه ۱۴۰۵/۸/۳۰ - ۱۵:۱۲
Background image

د مهاجرینو چارو وزیر د فراه له والي سره وکتل

د مهاجرینو او راستنېدونکو چارو وزیر محترم مولوي عبدالکبیر نن په خپل کاري دفتر کې د فراه له والي محترم ملا محمد حافظ مجاهد سره وکتل.
په پیل کې محترم ملامحمد حافظ مجاهد په فراه کې د. . .
شنبه ۱۴۰۵/۸/۳۰ - ۱۵:۱
Background image

د مهاجرینو چارو وزیر د بغلان ولایت له یو شمېر علماوو او مسوولینو سره ولیدل

د مهاجرینو او راستنېدونکو چارو وزیر محترم مولوي عبدالکبیر نن په خپل کاري دفتر کې د بغلان ولایت له یو شمېر علماوو او مسوولینو سره ولیدل.
په دغې لیدنه کې د بغلان ولایت علمای کرامو او. . .
چهارشنبه ۱۴۰۵/۸/۶ - ۱۴:۰
Background image

د مهاجرینو چارو وزارت او یوناما ترمنځ د راستنو شویو او بېځایه شویو د پالیسیو او لارښودونو نهايي کولو په اړه مشورتي ناستې وشوې

د وزارت د پلان او پالیسۍ او دایمي حل‌‌لارو موندنې رییسانو او د افغانستان لپاره د ملګرو ملتونو مرستندویه پلاوي(یوناما) د دایمي حل‌‌لارو سلاکارې اغلې فرحانه سټوکر ترمنځ ګډې مشورتي ناستې. . .

بېرته خبرونه ته