د مهاجرينو او راستنېدونکو چارو وزارت سرپرست په کراچۍ کې د افغانستان لوی سفارت د قونسل سره وکتل
د مهاجرينو او راستنېدونکو چارو وزارت سرپرست وزير الحاج خليل الرحمن حقاني په کراچۍ کې د افغانستان لوی سفارت د قونسل الحاج مولوي عبدالجبار سره په خپل کاري دفتر کې وکتل
په پيل کې ښاغلي وزير صاحب په کراچۍ کې د افغانستان لوی سفارت قونسل الحاج مولوي عبدالجبار ته ښه راغلاست ووايه
وروسته دواړو په سند ایالت کې د افغان مهاجرو په اوسني وضعيت، د شته ستونزو په هواري، د حقوقو په تامين، د افغان مهاجرو د عزت او حيثيت په ساتنې، افغان بندیانو په خوشې کيدو، د ويزو او تګ راتګ د اسانتياوو، هيواد کې افغان راستنېدونکو مهاجرو ته د سرپناه، کار او سرمايه ګذارۍ د اسانتياوو په برابرولو، د حج د مراسمو لپاره افغان مهاجرينو لپاره د پروسې په اسانتياوو او يو لړ مهمو مسائلو خبرې وکړې.
