د لغمان په قرغيو ولسوالۍ کې يو ښوونځی د کډوالو چارو وزارت مالي او اداري مرستيال او ددې ولايت د والي له لورې پرانېستل شو
د لغمان ولايت د قرغيو ولسوالۍ اړوند کې د څه بادنې څوارلس ميليونو افغانيو په ارزښت د کاکڅ د هلکانو ښوونځی لپاره جوړه شوې ودانۍ د کډوالو چارو وزارت مالي او اداري مرستياله او ددې ولايت دوالي له لورې پرانيستل شوه.
ياد ښوونځی د ملګرو ملتونو دکډوالو ادارې (UNHCR ) له لورې د څه باندې څوارلس ميليونه افغانيو په لګښت په لس جريبه ځمکه کې جوړ شوی،چې لس درسي خوني لري او۴۰۰ شاګردان پکې ځايږي.
په دغه مراسمو کې د کډوالو او راستنېدونکو چارو وزارت مالي او اداري مرستيال احمد ولي حکمي د ملګرو ملتونو دکډوالو ادارې (UNHCR ) څخه دمننې سربېره له دوی غوښتنه وکړه،چې په ورته نورو برخوکې هم خپلو مرستو ته دوام ورکړي.
بل لورته د افغانستان لپار ه دملګرو ملتونو دکډوالو ادارې (UNHCR ) مرستيال بولټن په خپلو خبروکې خوښي اوښوده،چې دمسؤلينو دغوښتنې او د زده کوونکو اړتياووته په کتو يې دکاکڅ دهلکانو دښوونځي ودانۍ جوړه کړه.
هغه ژمنه وکړه چې د څښاک د پاکو اوبو، د ښوونخيو سره د هر اړخيزې مرستې او د کډوالو برخه کې به خپلو مرستو ته لا نوره هم ادامه ورکړي.
د لغمان والي ښاغلي محمد اصف ننګ خوښي اوښوده چې په هېواد کې ورځ تربلې د پرمختګ او مثبت بدلون څپه په ګړنديتوب سره روانه ده. هغه وايي، افغانستان کې د نړيوالې ټولنې په همکارۍ سره فکري بدلون او هر اړخيزه پرمختګ شوی په دغې برخه کې د ې د يو اين له ټولو ادارو څخه مننه وشي.
