د ریاست الوزراء اداري مرستیال په کندهار ولایت کې د جبري راستنېدونکو له موقتي کمپونو څخه لیدنه وکړه.

anwari_morr
دوشنبه ۱۴۰۲/۸/۲۹ - ۱۱:۱۹
-

دکندهار ولايت د مهاجرينو چارو رياست د راپور له مخې، د ریاست الوزراء اداري مرستیال مولوي عبدالسلام حنفي د لړم په ٢٨مه د دغه ولايت په سپين بولدک کې د اجباري راستنېدونکو له موقتي کمپونو څخه ليدنه وکړه .
په دې لیدنه کې له ښاغلي حنفي سره د کندهار والي، د کورنیو چارو، کرنې، اوبولګولو او مالدارۍ، مهاجرینو چارو وزارتونو مرستیالانو او د کمېټو مسوولینو هم حضور درلود.
په دغه ولایت کې د جبري راستنېدونکو د موقتې کمېټې مشر د ریاست الوزراء اداري مرستیال ته د ښه راغلاست ویلو تر څنک د خپلو ورځنيو کارونو په اړه بشپړ معلومات وړاندې کړل.
د ریاست الوزراء اداري مرستیال له ټولو هغو مسؤولينو څخه چې شپه او ورځ يې د راستنېدونکو د خدمت له پاره وقف کړي دي مننه وکړه .
حنفي وويل: چې ما له ټولو هغو دروازو څخه ليدنه کړې چې له پاکستان څخه زموږ مهاجرين راځي، زه بايد ووايم چې په دې برخه کې د کندهار ولايت د نورو ولايتونو په پرتله ښه دى.
  نوموړي د هر ډول همکارۍ ډاډ ورکړ او په دغه ولايت کې يې د موقتې کمېټې د مسؤولينو له دغه نیک اقدام څخه ستاينه وکړه.

تازه خبرونه

دوشنبه ۱۴۰۳/۱۱/۲۹ - ۱۴:۵۳
Background image

د کډوالو وزارت او ملګرو ملتونو د مرستیالۍ استازو تر منځ ګډه ناسته وشوه

د کډوالو او راستنېدونکو چارو وزارت او افغانستان کې د ملګرو ملتونو د مرستیالۍ د دایمي حل لارو د برخې استازو تر منځ ناسته وشوه.
دغه ناسته چې د راستنېدونکو چارو وزارت د راستنېدنې او. . .
دوشنبه ۱۴۰۳/۱۱/۲۹ - ۹:۶
Background image

د ډنمارک د کډوالو ټولنې رییسې د وزارت له مسلکي مرستیال سره وکتل

په کابل کې د ډنمارک د کډوالو ټولنې رییسې اغلې دانیه الشریف د مهاجرینو او راستنېدونکو چارو وزارت له مسلکي مرستیال مولوي عیدالرحمن راشد سره وکتل.
دا کتنه د مولوي عبدالرحمن راشد دفتر کې. . .
دوشنبه ۱۴۰۳/۱۱/۲۹ - ۹:۱
Background image

د څه باندې یو میلیون امریکایي ډالرو په ارزښت د همکارۍ هوکړه لیک لاسلیک شو

په مهاجرینو چارو وزارت کې د ډنمارک د کډوالۍ له ټولنې سره د یو میلیون او یو سل ۵۶ زره او ۴۴۶ امریکایي ډالرو په ارزښت د همکارۍ هوکړه لیک لاسلیک شو.
د دې هوکړه لیک له مخې دغه بنسټ به. . .

بېرته خبرونه ته