دکډوالو چارو وزير دقيقه پلان جوړونه ددې لامل شوي چې چارې په سم ډول ترسره شي
د کډوالو او راستنېدونکو چارو وزير سيد حسين عالمي بلخي د وږي په ۱۲مه د پلان جوړونې په ورکشاپ کې په تېرو پنځو کلونوکې راستنېدونکو او بېځايه شوو په برخه کې د وزارت د ټولو چارو دسم مديريت خبر ورکړ، ويې ويل ستراتېژيک پلان او هر اړخيز عمل پلان درلودل ددې لامل شوی چې کارونه سم پرمخ لاړشي.
هغه د پلان جوړونکې پراهميت ټينګار وکړه ويې ويل، پلان جوړونه په کارونوکې فساد له منځه وړي او دکار د روڼتيا سبب ګرځي.
په تېرو پنځوکلونوکې د احتياطي پلان په پايله کې له نړيوالې ټولنې څخه تر دوه ميلياردو ډېرې مرستې د بېځايه شوو او راستنېدونکو د اداره کولو او ساتنې لپاره جذب شوي دي او د يو روښانه او هر اړخيز پلان سره سم وزارت توانېدلی چې دکلونوپه اوږدوکې دحرکت په حال کې اته ميليونه افغانان اداره کړي.
ددې سربېره عالمي بلخي د وزارت يوشمېر نورو لاسته راوړنو ته اشاره وکړه،چې دهغه په بارو د پام وړ پلان جوړونې له امله ۴څلورسوه او ۷۰ زره افغان کډوالو په ايران کې ښوونځيوته لاره پيداکړې چې له دې ډلې يې په پاکستان کې ۱۳۰ زه مېشتو بې اسناده افغان کډوالو ته د کارتونو وېشل او د وزارت په کادري ظرفيتونوکې ډېروالی.
دغه ورکشاپ د کډوالو او راستنېدونکو چارو وزارت د پلان او پالېسۍ رياست دکډوالو او راستنېدونکو چارو وزارت د مرکزي او ولايتي کارکوونکو لپاره جوړ شوی و، چې لږ ترلږه د نهو ولايتو استازو پکې ګډون درلود.
