دكډوالو او راستنبدونكو چارو وزير محترم مولوي عبدالكبير، په كابل كې د ازبكستان له سفير ايبك عثمانوف سره وكتل.
په دي ناسته كې ښاغلي عثمانوف د افغانستان او ازبكستان ترمنځ د اړيكو په پراختيا د ټينكار ترڅنګ وويل، چي هېواد يې له افغانستان سره د پراختيايي پروژو د شويو تړونونو د عملي كېدو هڅې كوي.
نوموړي وويل، د افغانستان او ازبكستان تر منځ د سوداګرۍ حجم ١,١ ميليارده ډالرو ته رسیدلی، چې راتلونکی کال به دوه ميليارده ډلرو ته لوړ شي.
په دې ناسته كې د كډوالو او راستنېدونكو چار وزير محترم مولوي عبدالكبير، د ازبكستان سفير ته د ښه راغلاست ترڅنګ، له افغانستان سره د تعامل لپاره د هغه هېواد د ولسمشر له څرګندونو هركلى وكړ
محترم مولوي عبدالكبير زياته كړه، چې اسلامي امارت له ازبكستان او نورو كاونډیو هېوادونو سره د اړيكو پراختیا غواړي. هغه د افغان ټرانس او نورو اقتصادي پروژو په پلي كېدو د تاكيد ترڅنګ وويل، چې افغانستان غواړي له سيمه ييزو هېوادونو سره د اقتصادي او سوداګريزو اړیكو په پراختيا له سيمه ييز ثبات سره مرسته وكري.
دكډوالو او راستنېدونكيو چارو وزير، د پاکستان له لوري دكډوالو په اجباري ايستلو نيوكه وكړه او ويې ويل، چې دا مهال په دغه هېواد كى افغان كډوال له سختو ستونزو سره مخ دي.
