د ننګرهار د مهاجرینو چارو رییس د مهاجرینو چارو له وزیر سره ولیدل

د ننګرهار د مهاجرینو او راستنېدونکو چارو رییس  حاجي باﺯ محمد عبدالرحمٰن د مهاجرینو او راستنېدونکو چارو سرپرست وﺯير الحاج خليل الرحمن حقاني سره وليدل.
په دې ليدنه کې د ننګرهار د مهاجرینو چارو رییس له ښاغلي حقاني سره د ترسره شويو فعالیتونو، راستنېدونکو مهاجرینو سره په مرستو، په تورخم فرضې کرښه کې په شته سهولتونو، ترسره شویو خدمتونو او د ځینو ستونزو په اړه بشپړ معلومات شريک کړل.
د مهاجرینو او راستنېدونکو چارو سرپرست وﺯير د نوموړي د ترسره شويو خدمتونو ستاينه وکړه او په چارو کې يې پر روڼتیا، راستنېدونکو مهاجرینو ته پر سهولتونو او پر لا نورو خدمتونو ټینګار وکړ.
دغه راز ښاغلي حقاني د ننګرهار د مهاجرینو چارو رییس ته په ځینو برخو کې لازمې سپارښتنې وکړې او د شته ستونزو د حل ډاډ يې ورکړ.