کابل کې نیږدې له ۱۰۰ کورنیو سره نغدي او روغتیايي توکو مرستې وشوې
روانه اونۍ په کابل ښار کې ۹۱ بېځایه شویو، راستنو شویو او اړمنو کورنیو سره نغدي او روغتیايي توکو مرستې وشوې
یادې کورنۍ له وړاندې د کابل مهاجرینو چارو ریاست له لوري پېژندل شوې وې، د دغه وزارت د همکار بنسټ له لوري ۷۵۹ زره ۸۵۰ افغانۍ او یوه یوه روغتیايي کڅوړه ورکړل شوه.
د یو بل خبر له مخې، بغلان کې ۴۰۰ راستنو شویو کاریګرو سره ۳ قلمه خوراکي توکو او ۳۰۰ د ګبیون تختو (فلزي قفسونو) او جوزجان کې ۲۷۶ کسانو سره د برېښنايي پېژندپاڼو اخیستلو لپاره ۲۰۷ زره افغانیو مرستې وشوې.