د کډوالو وزارت او ملګرو ملتونو د مرستیالۍ استازو تر منځ ګډه ناسته وشوه

sadam_morr
دوشنبه ۱۴۰۳/۱۱/۲۹ - ۱۴:۵۳
_
د کډوالو او راستنېدونکو چارو وزارت او افغانستان کې د ملګرو ملتونو د مرستیالۍ د دایمي حل لارو د برخې استازو تر منځ ناسته وشوه.
دغه ناسته چې د راستنېدونکو چارو وزارت د راستنېدنې او بیامېشتېدنې رییس مولوي شکرالله شاکر په مشرۍ او د دایمي حل لارو په چارو کې د ملګرو ملتونو د مرستیالۍ سلاکارې مېرمن فرحانه ستاکر په حضور کې جوړه شوه. د دواړو لوریو ترمنځ په راتلونکي کې د هېواد په څلورو ولایتونو کې د کډوالو لپاره د ښارګوټو د جوړولو په اړه بحث او خبرې وشوې.
مولوي شکرالله شاکر وویل: زموږ موخه د راستنو شویو او بې ځایه شویو لپاره خدمت کول دي، چې په همغږۍ او همکارۍ د یادو ښارګوټو په جوړولو سره په راتلونکي کې یوې هوکړې ته ورسیږو.
د کډوالو وزارت د پلان او پالیسۍ رییس مولوي محمود الحق احدي د دې ډول کارونو پیلول د دایمي حل لارو پیدا کولو لپاره مثبت ګام وګاڼه او په دې برخه کې یې پر دوه اړخیزه همغږۍ ټینګار وکړ.
مېرمن فرحانه ستاکر د دې ناستې موخه د کډوالو لپاره په څلورو ولایتونو کې د ښارګوټو جوړول یاد کړل او زیاته یې کړه: زموږ بنسټیزه موخه له اړمنو سره مرسته کول دي.
نوموړې په راتلونکي کې د دغه پروګرام د موخو د تحقق په موخه د کډوالو چارو له وزارت سره د تخنیکي ناستې غوښتنه وکړه.

 

تازه خبرونه

چهارشنبه ۱۴۰۵/۸/۲۰ - ۱۴:۹
Background image

ترکیې ته د مهاجرینو چارو وزارت تللي پلاوي د خپل سفر راپور د مهاجرینو چارو له وزیر سره شریک کړ

ترکیې ته د افغان کډوالو ستونزو د حل په موخه د مهاجرینو چارو وزارت د مقام دفتر رییس ښاغلي مولوي سعید احمد بنوري پر مشرۍ، د یاد وزارت او بهرنیو چارو وزارت تللي ګډ پلاوي نن د خپل سفر راپور. . .

سه‌شنبه ۱۴۰۵/۸/۱۹ - ۱۵:۵۶
Background image

د مهاجرینو چارو وزیر د لغمان له مرستیال والي سره وکتل

د مهاجرینو او راستنېدونکو چارو وزیر محترم مولوي عبدالکبیر نن په خپل کاري دفتر کې د لغمان له مرستیال والي ښاغلي حافظ انځیرګل عبدالله سره وکتل.
په دغې لیدنه کې، چې له ښاغلي عبدالله سره د. . .

یکشنبه ۱۴۰۵/۸/۱۷ - ۱۳:۳۹
Background image

د مهاجرینو چارو وزیر په جلا ناستو کې د خوست د ګربز او موسي خېلو ولسوالیو له قومي مخورو او علماوو سره وکتل

د مهاجرینو او راستنېدونکو چارو وزیر محترم مولوي عبدالکبیر نن په خپل کاري دفتر کې په جلا ناستو کې د خوست د ګربز او موسي خېلو ولسوالیو له قومي مخورو او علماوو سره وکتل.
د پیل په ناسته کې. . .

بېرته خبرونه ته