د کډوالو او بېرته راستنېدونکو چارو وزیر مولوي عبد الکبیر د اختر په لومړۍ ورځ د امارتي مسئولینو او عامو افغانانو سره *د اختر مبارکۍ په مناسبت* وکتل
راغلو ګډونوالو محترم مولوي عبد الکبیر ته د اختر مبارکي وویله او د هېواد د روان امنیت او ثبات له امله یې د اسلامي امارت له مشرتابه مننه وکړه.
د راغلو مسئولینو او افغانانو په وینا، دوی خوشحاله دي چې په امن او ثبات کې د اسلامي نظام تر سیوري لاندې د اختر خوښي لمانځي.
محترم مولوي عبد الکبیر هم ټولو راغلو مېلمنو ته د اختر مبارکي وویله او زیاته یې کړه چې د اسلامي امارت د هڅو له برکته اوس په هېواد کې سرتاسري امنیت تأمین شوی، د فساد مخنیوی شوی او د نشه یي توکو کچه ډېره راټیټه شوې ده.
نوموړي له خلکو وغوښتل چې د اختر په ورځو کې له امنیتي ځواکونو سره همکار پاتې شي، نظم ته پاملرنه وکړي او د اختر په خوښیو کې دې بېوزله هېوادوال هم شریک کړي.
