د ملګرو ملتونو عالي کمشنرۍ د مهاجرینو چارو وزارت ته د تسلیت مراتب وړاندې کړل
په افغانستان کې د کډوالو لپاره د ملګرو ملتونو عالي کمشنرۍ رئیس ښاغلي عرفات جمال د مهاجرینو او راستنېدونکو چارو وزارت له مسلکي مرستیال مولوي عبدالرحمان راشد سره په ناسته کې د مرحوم حقاني صیب د شهادت له امله له خپل طرف او د عالي کمشنر له لورې نوموړي ته د تسلیت مراتب وړاندې کړل
ښاغلي جمال مرحوم حقاني یو مهربان او مشفق مشر وباله او دده شهادت یې د افغان ملت لپاره لویه ضایعه وبلله، نوموړي زیاته کړه: د مرحوم حقاني په شهادت د افغانانو ترڅنګ، نړیواله ټولنه او د نړۍ نور ملتونه هم خواشیني دي
د مهاجرینو چارو وزارت مسلکي مرستیال د نوموړي له غمشریکۍ مننه وکړه او دواړو لوریو د ګډې همکارۍ په دوام ټینګار وکړ
