د حقوقي ملاتړ رئیس د مهاجرت د نړۍوال سازمان مرستو ته د لاس رسي مسؤول سره وکتل

د مهاجرینو چارو وزارت د حقوقي ملاتړ رئیس الحاج غلام نبي الله دادخیل ستانکزي د خپل کار په دفتر کې ښاغلي عدنان بغجتی سره چې په افغانستان کې د مهاجرت د نړۍوال سازمان بشري مرستو ته د لاسرسي مسؤول دی، وليدل.
په دې کتنه کې هغوی د راستنېدونکو له پاره د پیسو د زیاتوالي او هغوی ته د لازیاتو خدمتونو د وړاندې کولو په اړه خبرې وکړې او د دغې ادارې د همکاریو د قدردانۍ په ترڅ کې ښاغلي ستانکزي د راستنېدونکو له پاره د خدمتونو د کیفیت او کمیت په لوړولو ټینګار وکړ.
عدنان د ستانکزي د خبرو په تایید سره وویل: چې د مهاجرت د نړۍوال سازمان هدف د راستنېدونکو له پاره د خدمتونو د کیفیت لوړول دي او په دې برخه کې به تل ژمن پاتي شو.
دغه راز په راتلونکي کې د راستنېدونکو له پاره د روغتيايي خدمتونو د وړاندې کولو، د کار د زمينې برابرولو او د دغې ادارې د ژمنيو مرستو د پروګرامونو يادونه وکړه.