د کډوالو او راستنېدونکو چارو وزارت څه باندې ۶۰ میلیونو افغانیو په ارزښت یو تړون لاسلیک کړ
د چنګاښ میاشتې په ۱۱ مه نیټه د کډوالو او راستنېدونکو چارو وزارت او د وطن ټولنیزو او تخنیکي خدمتونو موسسې ترمنځ د ۶۷ میلیونو، یو سل او دوه دېرش زره او ۱۵ افغانیو په ارزښت د همکارۍ یو تړون لاسلیک کړ.
د دغه تړون له مخې به یاده موسسه دا پیسې د کابل، کاپیسا، پنجشېر، پروان، میدان وردک، لوګر، پکتیا، پکتیکا، خوست، غزني، بامیان، دایکندي، هرات، فراه، بادغیس او غور ولایتونو کې د خوراکي توکو د وېش او د اړتیاوو د ارزونې په برخه کې په مصرف ورسوي. د دې پروژې په پلي کېدو سره به ۲۱۰,۱۴۰ راستنېدونکي، کډوال او اړمن کسان به یې له ګټې برخمن شي.
