د کډوالو او راستنېدونکو چارو وزارت مالي او اداري مرستیال ننګرهار ولایت ته سفر وکړ
د کډوالو او راستنیدونکو چارو وزارت مالي او اداري مرستیال شیخ کلیم الرحمن فاني د یو پلاوي په مشرۍ ننګرهار ولایت ته لاړ او د هغه ولایت د مرستیال والي مولوي عزیزالله مصطفی سره یې ولیدل.
په دې ناسته کې د دواړو خواوو د ستونزو د حل او له پاکستان څخه د جبري راستنیدونکو کډوالو ته د ښه ځواب ویلو په اړه بحث وشو.
د یادونې وړ ده، چې د وزارت مالي او اداري مرستیال، د وزارت د یو شمېر مرکزي رییسانو او امرینو سره یوځای یاد ولایت ته سفر وکړ؛ ترڅو د لنډمهاله میشت غالي څخه لیدنه وکړي، شته اسانتیاوې او اړتیاوې یې له نږدې وګوري او د وزارت له مقام سره یې شریکې کړي.
