د پاکستان له بندخونو ۸۴ افغان بندیان ازاد شول
د پاکستان له بندخونو ۱۱ افغانې کورنۍ چې ۴۴ کسان وو او ۴۰ نور انفرادي کسان ازاد او تېره ورځ هېواد ته راستانه شول.
د ننګرهار ولایت د تورخم سرحدي امریت د معلوماتو له مخې، یاد کسان د قانوني اسنادو په نه درلودلو سره د پاکستان په مختلفو ښارونو کې نیول شوي وو، چې د ۲ ورځو څخه تر یوې میاشتې پورې د حاجي کمپ په بند کې بندیان وو، د بشري مرستو تر لاسه کولو وروسته خپلو اصلې سیمو ته ولېږدول شول.