په سمنګان ولایت کې لسګونه کسان له حرفوي زده کړو فارغ شول
د سمنګان ولایت د مهاجرینو امریت د راپور له مخې په دغه ولایت کې ۱۵ تنه راستنېدونکو کورنیو نرینه غړو ته د مبایل جوړولو حرفوي زده کړې او هر کس ته ۷ زره ۷۷۰ افغانۍ د دوو میاشتو او ۱۰ ورځو د موټر د کرایې په موخه ورکړلی شوې.
همدا راز په راپور کې راغلي دي، چې په یاد ولایت کې ۲۰ راستنېدنکو او بېځایه شویو کورنیو ښځینه غړو ته د مالدارۍ په برخه کې له زده کړو برخمنې شوې، چې هرې میرمنې ته ۱۰ زره او ۱۰۰ افغانۍ د دوو میاشتو او ۱۰ ورځو د موټر د کرایې په موخه ورکړلی شوې. یادې مرستې د مهاجرینو وزارت د همکارو بنسټونو په مالي لګښت رامنځته شوې وې.