په پاکستان او ایران کې د مهاجرینو له اتشو سره انلاین ناسته وشوه
د مهاجرینو او راستنېدونکو چارو سرپرست وزیر الحاج خلیل الرحمان حقاني او د وزارت یو شمېر رئیسانو په پاکستان کې د اسلام اباد، پیښور، کوټې او په ایران کې د تهران، مشهد او زاهدان د مهاجرینو اتشو له مسولینو سره انلاین ناسته وکړه
په دغه ناسته کې په ایران او پاکستان کې د مهاجرینو په عمومي وضیعت، ستونزو او مشکلاتو خبرې وشوې
د اتشو مسولینو د مهاجرینو وضیعت، فعالیتونو او مهاجرینو ته د وړاندې شوو خدماتو په هکله ښاغلي حقاني ته معلومات وړاندې کړل او خپلې اداري ستونزې او اړتیاوې یې شریکې کړې
د مهاجرینو چارو وزیر په خپلو خبرو کې دوی ته د اړتیاو پوره کولو ډاډ ورکړ او د لوی سفارت او نورو اړوندو ادارو سره د همغږۍ سپارښتنه یې ورته وکړه
نوموړي اوویل، مونږ هڅه کوو، چې په کوربه هېوادونو کې د پاسپورت او تذکرې اسانتیاوې رامنځته کړو
ښاغلي حقاني یادو مسولینو ته په کارونو کې د چټکتیا او شفافیت ترڅنګ د اسلامي شریعت او د رسول - صلی الله علیه وسلم- د سنت طریقو په پابندۍ ټینګار وکړ
