د پناه غوښتونکو مرستيالې او سريلانکا کې افغان سفير په هغه هېواد کې د کډوالو پر وضعيت خبرې وکړې
سريلانکا کې د افغانستان سفير محمد اشرف حيدري د چنګاښ په لومړۍ د شنبې په ورځ په کډوالو چارو وزارت کې د پناه غوښتونکو مرستيالې ډاکټر عالمې سره وليدل او په هغه هېوادو کې يې د افغان کډوالو پر وضعيت خبرې اترې وکړې.
سريلانکا کې افغان سفير وويل، چې په هغه هېوادو کې له تروريستي بريد وروسته د افغان کډوالو وضعيت مخ په خرابېدو و، چې د سريلانکا د لومړي وزير سره له خبرو او د افغان سفارت له هڅو وروسته د افغان کډوالو وضعيت بېرته خپل حالت ته راوګرځېد او د هغوی له جبري ويستلو مخنيوی وشو.
آغلې عالمې سريلانکا کې افغان سفارت څخه مننې سره ـ سره په هغه هېواد کې د افغان کډوالو د وضعيت پرښه والي ټينګار وکړ او ويې ويل، دافغان کډوالو برخليک بايد د هېوادونو د سياسي او امنيتي مسايلو قرباني نه شي، نوموړې له افغان سفارت څخه غوښتنه وکړه، چې د کډوالو په برخه کې له دغه وزارت سره خپله همغږي زياته کړي.
