د مهاجرينو چارو وزارت د خالي بستونو لپاره رقابتي ازموينه واخيستل شوه
د مهاجرينو او راستنېدونکو چارو وزارت د خالي بستونو لپاره د نوماندانو رقابتي ازموينه پنجشنبه د تلې په (۱۴) مه د دغه وزارت د مالي او اداري مرستيال الحاج محمد ارسلاح خروټي په شتون او څارنې کې واخيستل شوه.
مالي او اداري مرستيال د ازموينې په روڼتيا ټينګار وکړويې ويل، د ا.ا.ا هڅه کوي، چې د خلکو په خدمت کې د وړ، بااستعداده، ژمن او صادقو کسانو د ګمارلو په خاطر د وزارت خالي بستونو ازموينه د ازادې سيالۍ له لارې ترسره کړي او د کټينګ او کوډ په کارولو سره د امکان تر حده شفافيت تامينيږي.
په پام کې ده، چې بريالي شوي، کسان د وزارت د مرکز او ولايتونو په څلورم، پېنځم او شپږم بستونوکې وګمارل شي.
