د مهاجرينو چارو وزارت کې د قاچاق، مهاجرينو او مرز کمېټې غونډه وشوه.
دغه جلسه د روان ١٤٠١ کال د جنګاښ میاشتې په ٤مه د شنبې ورځ د مهاجرینو او راستنېدونکو چارو وزارت د معین الحاج محمد ارسلاح خروټي په ریاست د دغه وزارت په ودانۍ کې ترسره شوه.
په دغه غونډه کې د ملي دفاع وزارت، کورنیو چارو وزارت، د سرحدونو او قبایلو چارو وزارت، بهرنیو چارو وزارت، ښارجوړونې وزارت او د چارو د ادارې استازو ګډون کړی وو.
د سرحدونو، مهاجرینو او قاچاق سره د مبارزې کمېټه د افغانستان د اسلامي امارت د عالي مقام دچارو ادارې په رسمي غونډه کې د چارو د لا ښه انسجام، همغږۍ، له ګاونډیو او سیمې سره د ښو اړیکو د تامین په موخه جوړه شوه.
په پورتنۍ غونډه کې د هرې ادارې استازو له ګاونډیو هیوادونو سره چې د مهاجرینو کوربه دي د خپلو ګډو کارونو مسایل روښانه کړل او د مهاجرینو چارو وزارت مالي او اداري معین الحاج محمد ارسلاح خروټي د یوې ګډې ژبې په رامنځته کولو باندې په همغږۍ ټینګار وکړ او ویې ویل: له ګاونډيو هېوادونو سره په خبرو اترو کې د کميټې غونډې بايد ګټورې وي او د غونډو پايلې بايد دچارو له ادارې سره شريکې شي.
