له اروپا څخه د افغان کډوالو د اجباري راستنېدو پروسې د درولو په تړاو دکډوالو او راستنېدونکو چارو وزارت خبرتيا

sadam_morr

په هېواد کې د طالبانوله لورې د تاوتريخوالي ډېرېدل او د کرونا ويروس د درېمې څپې خپرېدل په اقتصادي او ټولنيزو برخوکې د پراخې ګډوډۍ لامل شوی او دخلکو لپاره يې ډېرې اندېښنې او ننګونې رامېنځته کړي.

دکډوالو او راستنېدونکو چارو وزارت، په هېواد کې د جګړې وضعيت ته په پام سره له کوربه هېوادونو څخه افغانستان ته د افغان کډوالو د بېرته راستنېدو په اړه اندېښنه لري او په هېواد کې اوسنی وضعيت د افغان پناه اخيستونکو لپاره مناسب نه ګڼي. دکډوالو چارو وزارت مشرتابه څوځله له کوربه هېوادونو او نړيوالو ادارو سره په دې برخه کې خپلې اندېښنې څرګندې کړې او په اړه يې اقدام کړی.

له همدې امله دکډوالو او راستنېدونکو چارو وزارت په رسمي ډول د اروپايي ټولنې غړو هېوادونو سره چې دکډوالۍ د پېښې مديريت په اړه له افغانستان سره هوکړه ليک لري، د اروپا څخه د کډوالو د بېرته ستنېدو مخنيوي لپاره د حکومت ګډه پرېکړه اعلان کړه. د دولت په دې پرېکړې کې ټينګار وشو چې کوربه هېوادونو به د راتلونکو دريو مياشتو لپاره د چنګاښ د ۱۷مې نېټې څخه د تلې تر ۱۷ مې نېټې پورې په زرو د افغان کډوالو د ايستلو څخه ډډه وکړي.

دا اقدام د کډوالۍ يا IDMC په برخه کې د اروپايي ټولنې سره د همکاريو په اړه د اروپايي ټولنې سره د کډوالۍ په برخه کې د همکاريو په اړه د المان او متحده ايالاتو ګډه اعلاميه د ناروې، فنلانډ، فرانسه، سوېډن، ډينمارک، انګلستان،سويس او هالنډ سره دوه اړخيزه او درې اړخيزه هوکړه ليکونو ته په پام سره د افغانستان حکومت له خوا ترسره شوې.

کډوالو او راستنېدونکو چارو وزارت اوسنيو شرايطو ته په پام سره د افغان کډوالو جبري راستنېدنه مناسب ونه ګڼله او د بېځايه شوو خلکو د شمېر زياتوالي او په بهر کې د کډوالۍ کليد په اړه اندېښنه لري.