دبلخ ولايت د غاليو د پروسس مرکز د بنسټ ډبره د کډوالو چارو وزير په شتون کې کېښودل شوه
د غاليو د پروسس مرکز ډبره د بلخ ولايت دکډوالو په ښارګوټي کې د کډوالو او راستنېدونکو چارو وزير نور الرحمن اخلاقي، د بلخ ولايت مرستيال والي غلام فاروق خپلواک او د بلخ ولايت د ولايت شورا رئيس محمد افضل اديب په شتون کې کېښودل شوه.
دغه مرکز په ۱۰۰۰ ميتره مربع ځمکه کې د کډوالۍ نړيوال سازمان له لورې د بلخ ولايت د کډوالو په ښارګوټي کې د کډوالو او راستنېدونکو چارو وزارت تر څارنې لاندې جوړيږي او ددې مرکز د جوړېدو موخه دهغو خلکو د غالۍ اوبدلو صنعت ته وده ورکول دي، چې د غالۍ اوبدلو په ښارګوټي کې ژوند کوي.
د کډوالو او راستنېدونکو چارو وزير په مراسمو کې چې په همدې موخه جوړ شوي و، د بلخ ولايت د غالۍ اوبدلو ښارګوټي د اوسيدونکو د ستونزو دحل ژمنه وکړه او ټينګار يې وکړ، چې له دې وروسته به راستنېدونکي او بېځايه شوې کورنۍ د خپلو کارونو په بدل کې وړيامرستو ته د پای ټکی کېږدي.
په ورته وخت کې د بلخ ولايت مرستيا والي او د ولايتي شورا رئيس اړمنو راستنېدونکو او بېځايه شوو کورنيو ته د مرستو په برابرولو کې د کډوالو او راستنېدونکو چارو وزارت سره خپله بشپړه همکاری اعلان کړه.
د يو روغتيا يي مرکزجوړول، دښارګوټي د متوسطې لوړېدل لېسې ته، په ذکر شوي ښوونځي کې د ښوونکو کمښت او ټولو کورنيو ته د برېښنا رسول د دغه ښارګوټي د ۵۰۰ کورنيو غوښتنې دي چې په پام کې نيول شوي دي
