کډوالو وزير د ملګرومتلونوادارې څخه غوښتنه وکړه چې افغان کډالو ته دې په سودګريزو هېوادونوکې ډېره پاملرنه وکړی
د کډالو او راستنېدونکو چارو وزير سيد حسين عالمي بلخي په پاکستان کې دکډوالو د ښې راتلونکې او څلوېښت کلن کوربتوب اړه په اسلام آباد کې نړيواله ناستې وروسته د سلواغې په ۲۸مه د ملګرو ملتونو د کډوالو ادارې کمېشنر فليپو ګراندي سره په ليدنه کې د افغان کډوالو سره د لازياتې همکارۍ غوښتونکی شو.
د کډوالو او راستنېدونکو چارو وزير چې د افغانستان په استازيتوب د ولسمشر د دوهم مرستيال سرور دانش په مشرۍ دلوړپوړي دولتي پلاوي سره په ياده ناسته کې برخه اخيستې وه، د ملګرومتلونو د کمېشنر څخه يې ددې امله ناستې د جوړېدونه مننه وکړه ،چې دافغانستان لپاره ډېره مهم وه ويې ويل، چې په دې ناسته کې دملګرومتلونو دعمومي منشي شتون خورا د پام وړ و او وتونېده چې په پاکستان کې مېشت افغان کډوالو په برخه کې د نړيوالې ټولنې پاملرنه راجلب کړي.
هغه زياته کړه چې ټولې هڅې بايد ددې لپاره وي، چې د افغان کډوالو موضوع سياسي نه شي. کډوالي وه انساني موضوع ده او بايد انساني پاتې شي او افغانستان او پاکتسان په دې توانېدلی چې دغه موضوع خوندي وساتي.
غواړم يادونه وکړم، چې په دوه دريو هېوادنوکې دافغان کډوالو وضعيت ښه نه دی، ترکيه،يونان او اندونيزا موږ په دې برخه کې ستاسې پاملرنه غواړو. موږ ديونان ټاپوګانو په اړه ښه راپورونه نلر، د اندونيزيا ستونزې لاهم حل شوي نه دي او دترکيې وضعيت مخ په ښه کېدو دی.
د عالمي په خبره که چېرې په افغانستان کې سوله راشي، نو د بېرته راستنېدواحتمال شته نولازمه ده چې چمتووالی ورته ونيسو.موږ د ملګرومتلونو UNHCR په همغږۍ د راستنېدونکو لپاره پلانونه او برنامې جوړ او هيله مند يم ستاسې د زياتې پاملرنې وړ وګرځي.
ښاغلي ګراندي د کډوالو او راستنېدونکو چارو وزير هڅې وستايلې او ژمنه يې وکړه چې د افغان کډوالو دوضيعت د ښه والي لپاره به هرډول هڅې وکړي.
په دغه ناسته کې د اسيا لپاره د ملګرو متلونو UNHCR سيمه ييز رئيس او د افغانستان لپاره ددغې بنسټ رئيس هم شتون درلو.
