د کډوالو او راستنېدونکو چارو وزیر محترم مولوي عبدالکبیر د نورستان ولایت له مرستیال مولوي فیصل مختار او د کوچیانو چارو د سمون له عمومي رئیس مولوي بصر صاحبزاده سره وکتل
په دې ناسته کې چې راستنېدونکو هېوادوالو ته د اسانتیاوو چمتو کولو په موخه خبرې او وړاندېزونه وشول، په پیل کې مولوي فیصل مختار نورستال ولایت ته د ورستنو شوو د وضیعت په اړه معلومات وړاندې کړل او ویې ویل، چې په نورستان کې د کډوالو شمېر ته په کتو د هغوی د ژوند وضعیت په مناسب حالت کې دی او د اسلامي امارت لخوا ورسره اړینې مرستې شوې دي.
ښاغلي مختار په نوروستان کې د کډوالو اړوند ځينې وړاندېزونه او غوښتنې له محترم وزیر سره شریکې کړې.
همدارنګه د کوچیانو د چارو د سمون عمومي رئیس مولوي بصر صاحبزاده په لرې پرتو سیمو کې لومړنیو خدماتو ته د کوچیانو لاس رسي ته په اشارې سره وويل، چې یو شمېر راستانه او داخلي بېځایه شوی لومړنیو خدماتو ته اړتیا لري او وړاندېز یې وکړ چې د اسلامي امارت اړوند ادارې دې د کوچیانو او کورني بېځایه شوو د ستونزو حل ته اقدام وکړي.
محترم مولوي عبدالکبیر راغلو مسوولینو ته ښه راغلاست وویل او د کډوالو ستونزو ته رسیدنه یې د اسلامي امارت له لومړیتوبو څخه یاده کړه او یادونه یې وکړه، چې د حکومت امکانات د کډوالو او بیځایه شوو په خدمت کې دي.
محترم وزیر شوو وړاندېزونه ته رسیدنه اړینه وبلله او د ستونزو د حل یادونه یې وکړه.
