پکتیا: شواک ولسوالۍ کې د دوو کورنیو ترمنځ ٢٢ کلنه دښمني په دوستۍ بدله شوه
د مهاجرینو او راستنېدونکو چارو سرپرست وزیر الحاج خلیل الرحمان حقاني په مشرۍ د علماو او قومي مشرانو په منځګړتوب او مسلسلو هڅو د پکتیا ولایت، شواک ولسوالۍ کې د دوو کورنیو ترمنځ ٢٢ کلنه دښمني په دوستۍ بدله شوه
د مهاجرینو چارو سرپرست وزیر له دواړو لوریو مننه وکړه، چې د منځګړو خبره یې ومنله او له دښمنۍ یې لاس واخست
نوموړي له ټولو قومونو وغوښتل، چې خپلمنځي اختلافات دې د خبرو اترو له لارې حل کړي او چاته دې اجازه نه ورکوي، چې ددوی ترمنځ د نفاق تخم وشیندي
